Një ekip specialistësh kubanë kanë gjetur eshtrat e katër zjarrfikësve të cilët ishin zhdukur teksa tentonin që të shuanin një zjarr tejet të madh të shkaktuar nga rrufeja në një depo nafte bruto dhe karburant, në provincën perëndimore të Matanzas.
Lajmi është bërë e ditur gjatë një takimi të kryesuar nga Presidenti i Republikës, Miguel Diaz-Canel.
Deri ditën e djeshme, bilanci zyrtar i zjarrit ishte dy të vdekur, dhjetëra të plagosur dhe 14 të zhdukur, dyshohet të gjithë pjesëtarë të zjarrfikësve që shkuan të parët në vendngjarje për të shuar flakët.
Ministri i Shëndetësisë Publike, Jose Angel Portal, konfirmoi gjatë takimit se 22 persona mbeten të lënduar dhe u shtruan në spital, ndër të cilët 7 në gjendje kritike ose të rëndë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
