Koreja e Veriut ka dërguar ushtarë dhe pajisje përgjatë Zonës së Çmilitarizuar (DMZ), në një lëvizje të dukshme që synon rivendosjen e posteve të rojeve të shkatërruara pas marrëveshjes ushtarake ndër-koreane të vitit 2018.
Ushtria e Koresë së Jugut, sipas agjencisë së lajmeve Yonhap, zbuloi një rritje të aktiviteteve përgjatë zonave kufitare pasi Veriu premtoi të enjten e kaluar të rifillojë të gjitha masat ushtarake të ngrira në 2018 në përgjigje të pezullimit të pjesshëm të marrëveshjes nga Seuli pas lëshimit nga Veriu, të një sateliti spiun ushtarak.
Pesë vjet më parë, dy Koretë hodhën në erë 10 nga 11 poste roje secila në Zonën e Çmilitarizuar për të ulur tensionet dhe për të parandaluar përplasjet aksidentale, duke lënë vetëm një operacion nga secila anë për vlerë historike ose tjetër.
Në përgjigje të lëvizjes së fundit të Veriut, zyrtarët e Seulit u zotuan se do të vëzhgojnë nga afër aktivitetet mbi paralelen e 38-të për shenja provokimesh përgjatë kufirit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
