Një kanal pro-ukrainas i inteligjencës bjelloruse në Telegram, Belaruski Hayun, thotë se ka konstatuar lëvizje të konsiderueshme të pajisjeve të forcave të armatosura ruse me tren nëpër Bjellorusi të dielën.
Siç raporton BBC, trena të ngarkuar me pajisje ushtarake janë parë në stacionet hekurudhore në kryeqytetin Minsk dhe gjithashtu në Bjellorusinë juglindore, duke përfshirë stacionet Kalinkavichy, Khoyniki dhe Homel.
Kamionë dhe tanke janë parë edhe në një tren në stacionin hekurudhor Rechytsa në juglindje.
Sistemet e raketave kundërajrore dhe mjetet e blinduara amfibe u panë në pritje që të ngarkoheshin.
Gjashtë avionë luftarakë dhe avionë transporti u ngritën nga aeroporti Baranavichy në perëndim të Bjellorusisë dhe disa helikopterë rusë u ngritën nga Machulishchy afër Minskut.
Kujtojmë se Presidenti i Bjellorusisë Aleksandër Lukashenko, njihet si aleat i ngushtë i Presidentit rus Vladimir Putin gjatë gjithë luftës në Ukrainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
