Sekretari amerikan i Shtetit, Mike Pompeo ka qëndruar sot për një vizitë zyrtare në Mal të Zi, ku ka zhvilluar takime me zyrtarët më të lartë shtetëror të vendit.
Gjatë qëndrimit në Podgoricë, sekretari Pompeo konfirmoi se Uashingtoni edhe më tutje do të mbështesë Malin e Zi në rrugën e integrimit evropian.
“Në shikojmë në ju dhe qeverinë tuaj si udhëheqës në përpjekjet rajonale në luftën kundër korrupsionit, sundimin e ligjit dhe lirinë e mediave”, tha Pompeo në konferencën me gazetarë pas takimit më zyrtarët e Malit të Zi.
“Shtetet e Bashkuara do të vazhdojnë të qëndrojnë me popullin e Malit të Zi, si partnerë dhe aleatë,” tha sekretari Pompeo.
Pompeo, i cili është për vizitën e tij të parë zyrtare në Mal të Zi, tha se të dy vendet kanë nënshkruar një blerje prej 36 milion dollarësh të pajisjeve ushtarake.
“SHBA-ja shpreson të dorëzojë automjete të lehta taktike me vlerë 36 milionë dollarë aleatit tonë të NATO-s pasi të përfundojë kjo marrëveshje” tha Pompeo.
Ndërkaq, kryeministri malazez, Dushko Markoviç tha se vizita në Pompeo është dëshmia se SHBA vlerëson aleancën tonë dhe një rol konstruktiv në rajon dhe më gjerë. Ai tha se gjatë takimit mori garanci që Shtetet e Bashkuara të Amerikës do të vazhdojnë të mbështesin institucionet e Malit të Zi në luftën kundër të gjitha formave të krimit të organizuar.
"Ne e vlerësojmë mbështetjen që Pompeo i ka treguar Malit të Zi në integrimin në BE, dhe lavdërimet për reformat që ka arritur. Mali i Zi do të vazhdojë me një ritëm të paparë në fushat e sundimit të ligjit, luftën kundër korrupsionit dhe krimit, mbrojtjen e gazetarëve, kryesisht për shkak të nesh, dhe pastaj dhe për shkak të BE-së. Ne do të vazhdojmë të luftojmë trafikimin e qenieve njerëzore, "tha Markoviç.
Gjatë takimit të tij me Pompeon, Presidenti malazez Milo Gjukanoviç tha se Mali i Zi mbetet një partner i besueshëm në rajon.
Pompeo, pas takimit me Presidentin Gjukanoviç, theksoi se Shtetet e Bashkuara janë krenarë që të vazhdojnë partneritetin e saj me Malin e Zi. "Një komb i vogël, një kontribut i madh," tha Pompeo.
Pompeo deklaroi se Mali i Zi është i rëndësishëm për stabilitetin rajonal, por se është e nevojshme të punohet për forcimin e shtetit të së drejtës dhe lirisë së mediave.
Ai tha në një konferencë për shtyp pas bisedimeve me udhëheqjen e shtetit malazez se nuk duhet të ketë incidente sulmesh ndaj gazetarëve, siç ishte rasti me gazetarin Oliver Lakic, njoftoi portali malazez RTCG.
Pompeo ishte sekretari i parë i shtetit i SHBA që vizitoi Malin e Zi. Pas vizitës në Podgoricë, ai do të vazhdojë turneun e tij evropian me një vizitë në Maqedoninë Veriore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
