Në Prokurorinë e Posaçme u depozitua sot një tjetër padi nga Aleanca për Mbrojtjen e Teatrit. Përfaqësuesja ligjore e këtij grupimi zonja Adriana Kalaja e ftuar në studion e lajmeve në MCN TV deklaroi se kanë siguruar prova me mënyrën e tyre që implikojnë kryebashkiakun Veliaj, ndërsa theksoi se vetëm pamjet kur ndërhyjnë makineritë për prishjen e Teatrit Kombëtar me njerëz brenda e ngarkojnë Veliajn me akuzën e vrasjes së mbetur në tentativë.
Kemi siguruar provat në mënyrën tonë. Që pas datës 2 korrik Erion Veliaj refuzon të njohë vendimin e Gjykatës Kushtetuese. Jo më larg se pak minuta se unë të vija këtu Veliaj deklaroi se vendimi i gjykatës kushtetuese është i pavërtetë dhe se ai është pronari i saj. Unë i them se ai le të vazhdojë me marrëzinë e tij, ne do të vazhdojmë betejën tonë. Kemi bërë 9 kallëzime që implikojnë Veliajn. Kemi kallëzuar shumë emra, duke filluar nga Rama, Margariti, këshilli bashkiak, komisioni ekonomisë etj, kemi evidentuar rast pas rasti të gjitha shkeljet e bëra dhe të cilët janë korrupsioni aktiv dhe pasiv, ushtrimi i ndikimit të paligjshëm dhe shumë vepra të tjera. Veliajn e kemi akuzuar për vrasje të mbetur në tentativë. Vetëm pamjet ku mjetet konfirmojnë qartazi se shembja e Teatrit ka filluar në një kohë me njerëz brenda tregon qartazi shkeljet e tij. Referuar edhe vendimit të Gjykatës Kushtetuese, ai ka thënë për rikthim të palëve në gjendjen e mëparshme por ne jemi të vetëdijshëm, këtë kemi paraqitur sot në SPAK se nga pronë publike duke e konsideruar si një mall në magazinë është bërë fletëdalja nga ministria e kulturës te bashkia dhe po kështu ky mall të kthehet prapë të ministria e kulturës. Për të gjitha këto do përgjigjet dikush dhe ne e konsiderojmë që duhet të përgjigjet Veliaj sepse ditën që u mor vendimi për shembjen, dhe ajo që është më e rëndësishme është vendimi i kontrollit të lartë të shtetit ku jepej urdhër për bashkinë për pezullim deri në vendimin e marrjes nga gjykata kushtetuese dhe çdo vendimmarrje jashtë këtij vendimi do ngarkonte përgjegjësit dhe Veliaj do përgjigjët penalisht.
Ndërsa lidhur me denoncimin e një takimi të ambasadorit të Bashkimit Europian zotit Soreca me kryetaren e Gjykatës Kushtetuese, zonjën Vitore Tusha, Kalaja deklaroi se ambasadori i BE në vendin tonë ka lobuar për kryebashkiakun Verliaj dhe se sipas saj ka ushtruar ndikim të paligjshëm te trupa gjykuese.
Sipas nesh dhe informacioneve dhe provave, Soreca ka lobuar për kryetarin e bashkisë Erion Veliaj pasi kërkonte me çdo kusht të mos rrëzohej vendimi i transferimit të pronës. Ka ushtruar ndikim të paligjshëm te trupa gjykuese. Akuza jonë i drejtohet vetëm Sorecës dhe është vepër korruptive në kundërshtim me kushtetutën shqiptare të ndërhysh në institucionet e pushtetit gjyqësor. Kemi ndërmarrë hapa të tjerë ligjor, veprimi i Sorecës konsidertohet vepër penale dhe Soreca do përgjigjet penalisht për këtë. Për të jemi në përgatitjen e gjithë informacionit. Të gjithë personat përgjegjës do marrin përgjegjësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
