Pas shkarkimit nga detyra të Gentian Osmanit, është zgjedhur anëtarja e Këshillit të Lartë të Prokurorisë, Esmeralda Keshi. Në fjalën e saj, anëtarja më e re e KLP-së tha se qëllimi i saj është të përfaqësojë prokurorët dhe të ndihmojë në ushtrimin e detyrës. "Qëllimi im do jetë të përfaqësoj prokurorët dhe t’i ndihmoj ata në ushtrimin e deytrës dhe në kushtet në të cilat po ushtrojnë detyrën prokurorët në gjithë Shqipërinë", u shpreh Esmeralda Keshi.
Prokurorja Esmeralda Keshi u zgjodh me 133 vota pro, duke sfiduar edhe prokurorin Vladimir Mara, i cili arriti të marrë 109 vota. I gjithi procesi është mbikëqyrur nga fillimi deri në fund nga kryeprokurorja e përgjithshme e përkohshme, Arta Marka. Ndërkohë, nga procesi i votimit është përjashtuar drejtuesja e Krimeve të Rënda, Donika Prela, e cila është paraqitur me vonesë në votim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
