Ministria e informacionit e Sudanit ka deklaruar se kryeministri i përkohshëm i vendit Abdalla Hamdok është në arrest shtëpiak dhe po detyrohet të përçojë mesazhe në mbështetje të një grushti ushtarak.
Ndërkohë SHBA dhe Bashkimi Evropian kanë deklaruar se janë në mbështetje të qeverisë tranzicionale.
Forcat ushtarake arrestuan të paktën pesë figura të larta të qeverisë sudaneze të hënën, thanë zyrtarët, pasi grupi kryesor pro-demokratik i vendit u bëri thirrje njerëzve të dilnin në rrugë për të kundërshtuar një grusht shteti të dukshëm ushtarak.
Ministria e informacionit tha se interneti ishte ndërprerë dhe se forcat ushtarake kishin mbyllur urat. Kanali shtetëror i lajmeve në vend luajti muzikë tradicionale patriotike dhe skena të lumit Nil. Partia Umma, partia më e madhe politike e vendit, i përshkroi arrestimet si një përpjekje për grusht shteti dhe u bëri thirrje njerëzve të dalin në rrugë në rezistencë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
