Pas katër ditësh bllokimi në Qafë Thanë dhe pranë Hotolishtit për shkak të dëmtimit të rrugës në Dragostunjë, problemi i kamionistëve është zgjidhur.
Burime pranë pikës kufitare bëjnë me dije se Drejtoria e Përgjithshme e Doganave ka marrë kontakt me autoritetet e Maqedonisë së Veriut.
Kamionët do të lejohen të kthehen në Qafë Thanë dhe do të pajisen me dokumentacionin e nevojshëm për të kaluar në pikën e kalimit kufitar të Bllatës, nga ku mund të vijojnë rrugën e Arbrit drejt destinacionit.
Një ditë më parë, kamionistët kishin dërguar një apel për ndihmë ndaj shtetit shqiptar për situatën e vështirë ku ndodheshin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
