Lezha përkujtoi heroin kombëtar, Gjergj Kastrioti Skënderbeu, në 621-vjetorin e lindjes së tij.
Me këtë rast, u organizua një veprimtari përkujtimore në Memorialin e Skënderbeut, ku morën pjesë autoritete lokale, qytetarë, si dhe përfaqësues nga të gjitha trevat shqipfolëse dhe diaspora.
Nënkryetarja e Bashkisë Lezhë, Eueda Molla, dhe prefekti i qarkut Lezhë, Taulant Malshi, vlerësuan figurën dhe kontributin e Skënderbeut në historinë e kombit shqiptar.
Aktiviteti, i organizuar nga Bashkia Lezhë, u përshëndet edhe nga përfaqësues të Ushtrisë Çlirimtare të Kosovës, të cilët theksuan rëndësinë e ruajtjes së trashëgimisë historike dhe të frymës së bashkimit kombëtar.
Veprimtaria u mbyll me një koncert muziko-letrar, duke e kthyer këtë përvjetor në një moment reflektimi, krenarie dhe bashkimi për të gjithë shqiptarët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
