Shirat e dendur kanë sjellë probleme në portet e vendit. Lundrimet për anijet e peshkimit në Portin e Durrësit dhe të Vlorës janë pezulluar për shkak të motit të keq dhe stuhive që kanë filluar në zonat bregdetare.
Mësohet se kapiteneria e Vlorës dhe e Durrësit ka dhënë urdhër që anijet e tonazhit të vogël të anulojnë lundrimin, ndërsa tragetet të shtojnë masat e sigurisë për ekuipazhet e tyre.
Në portin e Durrësit nuk ka patur vonesa për mjetet e lundrimit, të tre tragetet e linjës Bari-Durrës me 1100 udhëtarë në bord mbërritën në mëngjes pa vonesa.
Ndërkohë në Vlorë trageti i linjës Vlorë – Brindizi, është ankoruar me disa orë vonesë për shkak të erës së fortë që kishte një shpejtësi prej 15-20 m/sek, dhe deti shënon forcën 7 ballë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
