"Shtetet e Bashkuara po vëzhgojnë TikTok", kështu ka thënë Donald Trump, duke folur para gazetarëve në Shtëpinë e Bardhë.
Sipas sekretarit amerikan të Thesarit, Steven Mnuchin, TikTok, rrjeti social i menaxhuar nga kompania kineze ByteDance, "aktualisht është nën kontroll, dhe së shpejti do të ketë rekomandime".
Shtëpia e Bardhë në ditët e fundit ka kërkuar që TikTok të vendoset në “listën e zezë” të kompanive të ndaluara në SHBA, siç është Huawei.
Në mbrojtje të TikTok foli qeveria kineze. Kina "nuk ka interes të ndërhyjë dhe nuk do të ndërhyjë në zgjedhjet e SHBA-së", tha zëdhënësi i Ministrisë së Jashtme, Wang Wenbin, duke përsëritur pozicionin e Pekinit dhe duke akuzuar Shtetet e Bashkuara që synojnë të shkatërrojnë kompanitë kineze.
Pretendimet për ndërhyrje ndaj TikTok janë "vetëm një çoroditje", shtoi Wang, pasi një grup senatorësh të Partisë Republikane Amerikane drejtuan gishtin në TikTok nga frika e ndërhyrjes në fushatën zgjedhore presidenciale në nëntor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
