Shikimi i pornografisë në çift, përmirëson marrëdhënien

Nuk ka dyshim se meshkujt e pëlqejnë pornografinë, ndërsa shumë femra nuk e vlerësojnë atë, ose nëse e vlerësojnë, shpesh ato druhen ta pranojnë.

Megjithatë, pornografia, nëse shijohet me partnerin, mund të jetë një mjet për të përmirësuar jetën seksuale të çiftit.

Një hulumtim amerikan, botuar në “Journal of Sexual Medicine” bazuar në të dhënat e mbledhura në 240 çifte heteroseksuale, hulumtoi përdorimin e pornografisë, dinamikën seksuale dhe mirëqenien e marrëdhënieve në çift.

Nga përfundimi doli se nëse përdorimi individual i pornografisë në fshehtësi nga partneri shoqërohet me një kënaqësi të ulët seksuale, përkundrazi një përdorim i çifteve çon në një kënaqësi më të madhe në marrëdhënie.

Sidoqoftë, ka dhe nga ato raste kur gratë mund të ndjehen të frikësuara nga protagonistët e trupave të përsosur të këtyre filmave dhe nga pamjet të ndryshme.

Në raste si këto, shikimi i pornografisë mund të ketë një efekt jo të mirë.

"Pornografia mund të jetë në shërbim të çiftit, me kusht që të respektohen një seri rregullash", nënvizon Dr. Alberto Caputo, seksolog i IES, Instituti i Evolucionit Seksual të Milano.

"Falë internetit, i cili e ka bërë më të lehtë dhe diskrete qasjen në teknologji, gratë gjithashtu kanë çliruar veten nga modestia dhe turpi i përdorimit të materialit pornografik. Kjo ishte ndoshta një nga tabut e fundit seksuale që mbeti gjallë," thotë seksologe Nicoletta Suppa. “Përdorimi i pornos për burrat tani konsiderohet një element i pranishëm herët a vonë në jetën seksuale të një mashkulli, si një zbulim rinor ose si kërkim për stimuj në moshën e rritur. Aktivitete që burri i ka jetuar gjithmonë në vetmi, por sot po flitet hapur edhe për një bashkëpunim në çift. Ky është një vizion i ri i pornos, i cili nuk konsiderohet më një zëvendësim i seksit për ata që nuk janë të kënaqur, por gjithashtu bëhet një mënyrë që gruaja të eksplorojë fantazitë dhe që çifti të bëhet pjesë e një lojë të përbashkët."

Disa studime pretendojnë se filmat pornografikë përmirësojnë ndjeshëm marrëdhëniet.

I tillë është edhe studimi i përmendur më lart, i cili ka treguar se burrat që shikojnë video porno në internet, zhvillojnë një dëshirë më të lartë dhe një dëshirë më të fortë ndaj partnerit të tyre, duke i dhënë kështu një pajisje shtesë lumturisë së çifteve nën çërçafë.

"Ne e konsiderojmë pornografinë para së gjithash si një mënyrë për të eksploruar seksualitetin dhe, mbi të gjitha, fantazitë" sugjeron seksologia.

Në filmat porno, imazhet janë pothuajse gjithmonë ekstreme dhe është mirë të dihet kjo për të mos bërë gabim të bëni krahasime. Për ta shfrytëzuar pozitivisht, pornoja duhet kuptuar si një stimul i fantazisë. Prandaj mund të kontribuojë në përmirësimin e jetës seksuale nëse bëhet "kripa" e intimitetit tonë, thekson seksiologia.

Sipas seksologe Nicoletta Suppa këto janë 5 arsye të papritura, të cilat tregojnë se pornoja jo vetëm që mund të përmirësojë sferën seksuale, por madje mund ta bëjë atë tepër më të butë dhe më sentimental:

Aktivizon dhe rrit anën romantike të një çifti

Ky gjest ju bën edhe më intim, sepse ndani një "sekret" bashkë

Përmirësoni mirëkuptimin tuaj seksual

Zbuloni se çfarë i pëlqen partnerit tuaj vërtet

Mundësia për të tradhtuar ose për t’u tradhtuar ulet.