Të pakten 12 persona kanë ndërruar jetë dhe dhjetra të tjerë janë në gjendje të rëndë shëndetësore, si pasojë e një shpërthimi në një xhami në Bangladesh. Shpërthimi mendohet se ka ndodhur si pasojë e rrjedhjes së gazit.
Kjo ngjarje e cila pritet të ketë pasoja edhe më të rënda, për shkak se 25 të tjerë të lënduar kanë 70-80 për qind djegie në trupin e tyre ndodhi në provincën qendrore të Narayanganj gjatë faljes të së Premtes në mbrëmje.
Sipas një rindërtimi fillestar të ngjarjes, rrjedhja e gazit hyri në xhami. Shpërthimi u shkaktua më pas nga një shkëndijë, që vinte nga një kondicioner që u ndez papritmas pas një ndërprerje elektrike.
Dëshmitarët thonë se besimtarët e mbledhur në xhami u goditën nga një "top zjarri".
Personat e plagosur u transportuan në një spital në Daka, i cili specializohet në djegie të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
