Të paktën njëqind përdorues të iPhone-it të ri Xs dhe Xs Max kanë shkruar në faqen e suportit të kompanisë Apple në lidhje me prbolemet që kanë hasur me karikimin e tyre. Në disa raste, futja e kabllit nuk ka bërë të mundur nisjen e procesit të rikarikimit të baterisë.
Problemi ndodh më shumë në rastet kur përpjekja për ta karikuar pajisjen bëhet gjatë kohës kur ekrani është i fikur.
Ndërsa duke e ndezur ekranin fillimisht, telefoni e njeh kabllon dhe nis procesin e karikimit të baterisë. Përdoruesit të tjerë kanë raportuar se, pas lidhjes me prizën elektrike, smartfoni bllokohet. Ky mosfunksionim u shfaq nga ekipi i Unbox Therapy në një video në YouTube.
Vështirësia duket të jetë e lidhur me një problem softuer, dhe jo me harduerin e iPhone Xs. Ky lloj defekti në të vërtetë është raportuar edhe në iPhone-t e vjetër, në të cilët u përditësua iOS 12, versioni më i fundit i sistemit operativ të Apple.
Problemi mund të zgjidhet nga Apple nëpërmjet një përditësimi të thjeshtë të softuerit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
