Anija e dytë me grurë nga Ukraina ka mbërritur në Turqi mesditën e së dielës. Pavarësisht kërcënimeve ruse se do të bombardojnë këto anije që lundrojnë në Detin e Zi, ukrainasit po mundohen të gjejnë rrugë alternative për eksportin e grurit të tyre.
Mediat amerikane shkruajnë se Ukraina po teston një rrugë të re detare që shmang përdorimin e ujërave ndërkombëtare dhe ndjek ato të kontrolluara nga anëtarët e NATO-s, Bullgaria dhe Rumania, pas tërheqjes së Rusisë nga marrëveshja e eksportit të grurit.
Në përfundim të sesionit të OKB-së, ministri i Jashtëm rus Sergei Lavrov ka refuzuar planin e paqes të propozuar nga Ukraina, si dhe propozimet e fundit të OKB-së për transportin e grurit.
Për të rregulluar marrëdhëniet e tensionuara me Poloninë fqinje, presidenti i Ukrainës Volodimir Zelenski u dha çmime shtetërore dy vullnetarëve polakë për ndihmesën e tyre kundër pushtimit të Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
