Sëmundja e qëndrimit ulur ekziston dhe këto janë rreziqet që të shkakton pa e kuptuar

Ka shumë përfitime puna nga shtëpia. Nuk është nevoja të vishesh, të llogarisësh kohën që do të marrë rruga dhe je gjithë kohës duke ngrënë, ndaj nuk është çudi që ka hezitime për t’u kthyer në zyrë.

Por ka një arsye pse nuk është aq bukur. Të qenit i izoluar brenda dhe i lidhur me laptopin mund të rrisë efektet e dëmshme të qëndrimit për periudha të gjata kohore.

Cilat janë rreziqet e sëmundjes së qëndrimit ulur dhe efektet afatgjata?

Shumë do të befasohen kur mësojnë se qëndrimi ulur ka qenë e lidhur drejtpërdrejt me zhvillimin e një numri sëmundjesh, si dhe ka qenë e lidhur me vdekjen e parakohshme.

Ulja për një kohë të gjatë ngadalëson metabolizmin dhe kjo mund të çojë në mbipeshë, rritjen e niveleve të sheqerit, rritjen e presionit të gjakut dhe nivelet anormale të kolesterolit. Individualisht dhe kolektivisht, këto çështje mund të kontribuojnë në sëmundjet e zemrës, kancerin e gjirit, kancerin e zorrës së trashë dhe diabetin e tipit 2. Pasja e këtyre sëmundjeve zvogëlon më tej nivelet e aktivitetit tuaj dhe shton rrezikun e zhvillimit të sëmundjeve shtesë.

Cilat janë disa gjëra praktike që mund të bëjmë për të luftuar sëmundjen e ulur?

Kur mendoni se çfarë mund të bëni për të luftuar sëmundjen, gjëja e rëndësishme që të dini është se efektet nuk janë të pakthyeshme. Specialistët rekomandojnë ushtrime për të paktën 150 minuta në javë, që është ekuivalente me rreth 20 minuta ushtrime të moderuara në ditë. Megjithatë mos harroni, se ushtrimi i sasisë së rekomanduar dhe qëndrimi ulur për më shumë se 6 orë në ditë, përsëri shton rrezikun e zhvillimit të sëmundjeve shoqëruese.

Kjo mund të bëhet duke qëndruar më shumë në këmbë:

-Në shtëpi, ose në punë – çohuni kur përdorni kompjuterin

-Çohuni ndërsa jeni në telefon

-Ushtrohuni ndërsa shikoni TV

Më tej, këshillohet fuqimisht të bëni një pushim 1 deri në 2 minuta nga ulja çdo 30 minuta apo më shumë për të korrigjuar qëndrimin tuaj, për të përmirësuar qarkullimin e gjakut dhe për të rritur metabolizmin. Të gjitha këto do të kontribuojnë në një jetë më të gjatë dhe më të shëndetshme.

Burimi: Metro