Policia e Elbasanit del me deklaratë lidhur me operacionin e koduar “Streha”, gjatë të cilit u zbulua një objekt 3-katësh, në lagjen “Visarjon Xhuvani”, ku ushtrohej prostitucion dhe shitej lëndë narkotike kokainë dhe kanabis sativa.
Gjatë ndërhyrjes në objekt, u arrestuan në flagrancë shtetaset e huaja, B. M., 35 vjeçe, D. G., 27 vjeçe, L. M., 25 vjeçe dhe J. B., 33 vjeçe.
Nga hetimi rezultoi se ato ushtronin prostitucion në objektin tre katesh pranë Universietetit “Aleksandër Xhuvani”, si dhe iu shitnin shtetasve që përfitonin nga kjo veprimtari kriminale, lëndë narkotike kokainë dhe kanabis.
Gjithashtu, nga hetimi u identifikua organizatori i këtyre veprimtarive kriminale, shtetasi A. T., 56 vjeç, për lokalizimin dhe kapjen e të cilit, policia vijon punën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
