FDA ka miratuar dozën e dytë të vaksinës Johnson & Johnson. Ky vendim ka ardhur një ditë pasi FDA miratoi dozat e treta të vaksinës Moderna kundër Covid-19.
Paneli me 19 anëtarë i FDA-së votoi për marrjen e një doze të dytë për rreth 15 milionë njerëz në Shtetet e Bashkuara që kanë marrë dozën e parë të vaksinës Johnson & Johnson. Ky vendim vjen pas polemikave se një dozë e vaksinës është më pak efektive sesa mendohej më parë.
Shkencëtarët kryesorë të kompanisë pranuan se kishte hapësirë për të përmirësuar efektivitetin e vaksinës për të arritur efektivitetin e vaksinave e saj. Vaksina Johnson & Johnson ka treguar se nuk është aq mbrojtëse sa vaksinat Pfizer ose Moderna thotë Dr. Arnold Monto, profesor i shëndetit publik dhe epidemiologjisë në Universitetin e Miçiganit.
Zyrtarët e Johnson & Johnson i thanë panelit këshillues se doza e dytë do të ndihmonte në rritjen e mbrojtjes imune të njerëzve duke filluar 2 deri në 6 muaj pas dozës së tyre të parë. Zyrtarët amerikanë të shëndetësisë kanë qenë nën presion për të autorizuar dozat përforcuese pasi Shtëpia e Bardhë njoftoi planet në Gusht për një një zgjerim të fushatës së vaksinimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
