Kryetarja e Kuvendit, Lindita Nikolla ka njohur Lulzim Bashën si kreun e grupit të PD-së.
“Sot në orën 9 kam marrë një njoftim nga PD, e cila më drejtohet me njoftimin më vë në dijeni se kryetari i i grupit parlamentar të PD është kryetari i PD, Luzim Basha”, tha Nikolla. Fill pas fjalës së saj deputetët e opozitës shpërthyen në brohorima e të qeshura.
Gazment Bardhi i cili nuk njeh shkarkimin e tij nga kreu i grupit ka reaguar duke u shprehur se duhet ta harrojë PS-ja, Rama dhe Veliaj se do zgjedhin kreun e grupit. Ai vuri në dukje se kreu i grupit parlamentar i PD-së zgjidhet vetëm nga deputetët demokratë.
"E kuptoj se disa kanë vendosur të bëhen qesharakë, ju kanë përfshirë edhe juve por mos provokoni deputetët e opozitës. Ky është një paralajmërim i thjeshtë dhe qytetar. Veliaj dhe Rama nuk e caktojnë dot kreun e grupit të PD”, tha Bardhi.
Ndërkaq, Nikolla iu përgjigj: "Fakti që situata në PD është konfuze...Qesharak bëheni ju që nuk dini si zgjidhet kreu i grupit dhe sillni këtu dy tre përfaqësues. Jeni konfuz!"
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
