Presidenti amerikan, Barack Obama i telefonoi sot Donald Trumpit për ta përshëndetur për fitoren në zgjedhjet presidenciale dhe i shprehu admirimin e tij për fushatën solide që zhvilloi në mbarë vendin, sipas një komunikate të Shtëpisë së Bardhë.
“Presidenti, Barack Obam e ftoi presidentin e zgjedhur të shkonte ta takonte në Shtëpinë e Bardhë për të biseduar lidhur me programin e tranzicionit, mbi të cilin ekipi i punës po punon që prej një viti. Garantimi i një tranzicioni harmonik të pushtetit ka qenë një prej prioriteteve që presidenti ka shprehur në fillim të vitit dhe të takojë presidentin e zgjedhur ka qenë etapa tjetër”, shtoi komunikata.
“Presidenti do të bëjë një deklaratë në Shtëpinë e Bardhë për të folur për rezultatet e zgjedhjeve dhe për të parë se çfarë masash mund të marrin si vend për tu bashkuar pas kësaj fushate të ashpër”, nënvizoi ekzekutivi amerikan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
