Gjykata e Lartë ka vendosur të lërë në fuqi masën e sigurisë "arrest me burg" ndaj kryebashkiakut të Tiranës Erion Veliaj, në një seancë që zgjati afro dy orë.
Më herët e njëjta masë sigurie ishte vendosur nga Gjykata e Apelit dhe Gjykata e Shkallës së Parë në GJKKO.
GJJKO la në fuqi masën “arrest me burg” për Veliajn më 17 qershor, duke rrëzuar kërkesën e tij për lirim kundrejt garancisë pasurore.
Kryebashiaku Veliaj kishte kërkuar ndryshimin e masës së sigurisë “arrest me burg”.
Seanca nisi në orën 12:00 në dhomë këshillimi pa praninë e palëve, me relatore gjyqtaren Albana Boksi dhe anëtarë Medi Bici e Sokol Binaj.
Veliaj u arrestua me urdhër të SPAK-ut më 10 shkurt, me akuzat për korrupsion e pastrim parash dhe fshehje pasurie.
SPAK i akuzon Veliajn dhe bashkëshorten e tij Ajola Xoxa se ndërtuan një skemë korrupsioni dhe pastrimi parash, për të përfituar në mënyrë të paligjshme nga fondet e bashkisë së kryeqytetit dhe ryshfete nga biznesmenë kontraktorë të saj, duke përdorur një rrjet kompanish dhe organizatash jofitimprurëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
