Vendet anëtare të BE-së kanë paralajmërojnë Serbinë se do të dalë nga rruga e integrimit në BE, nëse presidenti Aleksandar Vuçiq merr pjesë në festimet e Fitores së Luftës së Dytë Botërore në Rusi muajin e ardhshëm, raportuan të martën Financial Times dhe The Telegraph.
Moska do të presë paradën e saj vjetore ushtarake në Sheshin e Kuq më 9 maj për të shënuar 80-vjetorin e fitores së Bashkimit Sovjetik ndaj Gjermanisë naziste dhe aleatëve të saj. Vuçiq konfirmoi të hënën se ka në plan të marrë pjesë.
Zyrtarët e BE-së i kanë thënë Serbisë se udhëtimi i Vuçiqit "do të shkelte kriteret e anëtarësimit të tyre", sipas The Telegraph. Serbisë iu dha statusi i kandidatit për në BE në vitin 2012.
Kryediplomatja e BE-së Kaja Kallas tha të hënën se blloku "nuk dëshiron që asnjë vend kandidat të marrë pjesë në ngjarjet e 9 majit në Moskë".
"Ne duhet të sigurohemi që ata të kuptojnë se disa vendime kanë një kosto," tha Jonatan Vseviov, kancelari i Ministrisë së Jashtme të Estonisë. “Pasoja është mos anëtarësimi i tyre në Bashkimin Evropian”, shtoi ai, duke e quajtur atë “një test të rëndësishme lakmusi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
