Ministri i Transportit dhe Energjisë, Damian Gjiknuri, prezantoi sot buxhetin për vitin 2018 në Komisionin e Ekonomisë. Gjiknuri tha se vitin e ardhshëm do të përfundojë rruga e re Elbasan – Tiranë, e cila do ta lidhë me autostradën Tiranë-Durrës.
Gjiknuri tha se në lidhje me infrastrukturën rrugore do të ketë një qasje më strategjike. Ai theksoi se do të përfundojnë të gjitha projektet e nisura, duke përfshirë edhe Rrugën e Kombit, që sipas tij ende nuk është përfunduar.
“Qasja e deritanishme ka qenë jo strategjike. Janë hapur shumë kantiere të pambëhstetura me buxhet sidomos kantiere të cilat nuk ndikonin në përmirësimin e infrastrukturës kombëtare.
Synimi i qeverisë është të mbyllë ato punë të hapura, por njëkohësisht të hapë rrugë të reja që janë pjesë e rrjetit kryesor kombëtar dhe që kanë ndikim rajonal.
Me këtë dua të them që investimet do të përqendrohen në kompletimin tjetër të unazës duke bërë lidhjen e rrugës së re të Elbasan-Tiranë që do të përfundojë vitin tjetër, me pjesën e autostradës Tiranë-Durrës në mënyrë që të kemi një trafik shumë më të pranueshëm. Të eliminojmë atë koncesion që krijohet në pjesën e mbetur të unazës dhe mos kemi më probleme.
Duam të hapim edhe projektin e ri që ka të bëjë me by passin e Tepelenës, kjo është pjesë e rrjtetit kombëtar sepse përfundimisht përmirëson dhe kompleton aksin nga Levani deri në Kakavijë dhe pjesën tjetër që vazhdon deri në Sarandë. Do të vazhdojmë lotin e dytë të rrugës Korçë-Ersekë, i cili është një lot i rëndësishëm dhe që përfundimisht e lidh bashkinë në fjalë me rrjetin modern rrugor. Do të përfundojnë të gjitha ato projekte të nisura përfshirë edhe rrugën e Kombit e cila duhet thënë se është një rrugë që akoma nuk ka përfunduar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
