Pasi ish-e fejuara e para 11 viteve e këngëtarit Marilyn Manson rrëfeu se ishte abuzuar seksualisht prej tij, ikona e bukurisë Dita Von Teese mohoi që e njëjta gjë të ketë ndodhur në lidhjen e saj
Von Teese, 48 vjeçe, ka qenë në një lidhje me Manson, 52 vjeç, për disa vjet, dhe çifti u martua për rreth një vit nga 2005 në 2006-n.
Kërcimtarja publikoi një deklaratë ku shkruan se nëse do të ishte abuzuar nuk do të ishte martuar me të:
"Unë kam qenë duke përpunuar lajmet që u përhapën të hënën në lidhje me Marilyn Manson. Për ata që kanë shprehur shqetësimet për mirëqenien time, vlerësoj mirësinë tuaj. Ju lutem ta dini se detajet e bëra publike nuk përputhen me përvojën time personale gjatë 7 viteve tona si çift. Nëse do të ishin, nuk do të isha martuar me të në dhjetor të 2005-s. Unë u ndava 12 muaj më vonë për shkak të tradhtisë dhe abuzimit me drogën. Abuzimi i çdo lloji nuk ka vend në asnjë marrëdhënie. Ju bëj thirrje atyre që janë abuzuar të ndërmarrin hapa për t’u shëruar dhe forcën për të plotësuar veten. Kjo është deklarata ime e vetme për këtë çështje. Faleminderit për respektimin e kësaj deklarate”.
Aktorja Evan Rachel Wood tha të hënën se personi të cilin ajo më parë e akuzoi për sulm seksual një dekadë më parë ishte Manson. 33-vjeçarja publikoi histori të ngjashme nga fotografja Ashley Walters, modelja Sarah McNeilly, një artiste që e identifikoi veten si Gabriella, si dhe një studente.
Lidhur me akuzat reagoi edhe vetë këngëtari ndërsa shkroi:
“Mesa duket arti dhe jeta ime kanë qenë prej kohësh magnet për polemikë, por këto pretendime të fundit rreth meje janë shtrembërime të tmerrshme të realitetit. Marrëdhëniet e mia intime kanë qenë gjithnjë konsensuale me partnerë që kanë qenë në një mendje. Pavarësisht se si - dhe pse - të tjerët tani po zgjedhin të keqinterpretojnë të kaluarën, kjo është e vërteta”.
Lexo edhe:
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
