Sipas sondazhit të parë të publikuar pas debatit televiziv, nga instituti Elabe për Bfm-TV, Emmanuel Macron e ka fituar debatin e mbrëmshëm televiziv kundër Marine Le Pen.
Presidenti francez u vlerësua si më bindës nga 59% e të intervistuarve, ndërsa rivalja e ekstremit të djathtë nga 39%. Macron e sulmoi Le Pen sa i takon lidhjeve të saj me Rusinë dhe planin për t’u ndaluar hixhabin në publik grave myslimane. Le Pen tha se borxhi publik i Francës është rritur për shkak të masave mbështetëse ndaj pandemisë.
Debati kokë më kokë në prag të raundit të dytë të zgjedhjeve u shoqërua vazhdimisht me frazat “mos më ndërprisni!” dhe akuza se rivali nuk ishte në lartësinë e duhur për të udhëhequr Francën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
