Mjeku personal i Papa Françeskut, Fabrizio Soccorsi, ka ndërruar jetë si pasojë e "ndërlikimeve të shkaktuara nga Covid". Njoftimi u bë një ditë më parë nga gazeta e Vatikanit L'Osservatore Romano, ndërsa raportohet sot nga CNN.
Papa Françesku zgjodhi Soccorsi si një mjek personal në 2015-n. Mjeku ndërroi jetë në moshën 78-vjeçare.
Soccorsi u shtrua në spital në Romë në 26 dhjetor për një sëmundje onkologjike të mëparshme. Është ende e paqartë saktësisht se kur ishte kontakti i fundit me Papa Françeskun.
Në një intervistë me “Canale 5” që do të transmetohet sot në mbrëmje, Papa Françesku tha se Vatikani do të fillojë vaksinimet anti-Covid javën e ardhshme dhe ai është mes atyre që do ta kryejnë. “Është etike, unë do ta bëj. Mohimi është vetëvrasje”, është shprehur Papa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
