66 persona kanë humbur jetën si pasojë e një zjarri që shpërtheu gjatë natës në një hotel në një resort skijimi në Turqi, në provincën e Bolu, në Anadollin qendror.
Kështu deklaroi ministri i Brendshëm, Ali Yerlikaya, duke përditësuar numrin e viktimave dhe duke bërë të ditur se gjithsej 51 persona janë lënduar.
Ministri i Shëndetësisë, Kemal Memisoglu, tha se të paktën një nga të plagosurit ishte në gjendje të rëndë.
Zjarri përfshiu një hotel 11-katësh në resortin e skive Kartalkaya në provincën Bolu në orët e para të së martës.
Zjarri përkoi me pushimet shkollore të Turqisë, një periudhë kulmore për familjet nga Stambolli dhe Ankaraja që vizitonin malet Bolu për sportet dimërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
