Ekspertja e ekonomisë, Teuta Nunaj, thotë se dhënia me koncesion e shërbimit të ujësjellësit nuk ka logjikë ekonomike. Në studion e MCN Economy, Nunaj tha se shkak për mungesën e investimeve dhe keqadministrimin e tyre është bërë mungesa e vullnetit politk.
Janë dy elementë: dhënia e të drejtës që i gjithë sektori i ujësjellës kanalizimit të realizohet me PPP. Ky projektligj i jep të drejtën institucionit të japë me koncesion shërbimin nëse nuk e ka të mundur shteti.
Këto ujësjellës-kanalizime janë zvogëluar në investime. Kjo është mungesa e vullnetit politik për ta menaxhuar. Kemi mungesë të vullnetit politik. Uji hyn te baza që përbën strategjinë e një shteti. Nuk mund ta delegosh. Nuk ka asnjë logjikë ekonomike që të shkojmë drejt menaxhimit nga ana e privatit.
Nuk është e thjeshtë që meqë nuk dimë ne ta bëjmë si shtet, ta japim me koncesion. Në çështje kaq sensitive nuk duhet të jemi kaq naivë dhe të themi meqë nuk e menaxhova dot unë le ta menaxhojë privati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
