Zyrtarët turq, duke përfshirë ministrin e Jashtëm Hakan Fidan dhe drejtorin e komunikimit presidencial Fahrettin Altun, dënuan ministrin e Jashtëm izraelit Israel Katz, pas deklaratave të këtij të fundit në drejtim të Erdoganit.
Në një mesazh të postuar në X, Fidan tha se Katz “është në një gjendje të sëmurë mendore, pasi ai godet vazhdimisht Turqinë dhe Presidentin Recep Tayyip Erdogan, në vend që të kryejë detyrën e tij si ministër i Jashtëm”.
"Ekzistenca e këtij individi në kabinet, i cili është plotësisht i fiksuar pas shpifjeve dhe gënjeshtrave, përfaqëson monumentin e turpit të qeverisë Netanyahu," tha Fidan.
"Nuk ka asnjë gjë të vetme që presidenti apo vendi ynë mund të mësojë nga vrasësit gjenocidalë të përgjakshëm si ju," tha Altun dhe shtoi se ata përfundimisht do të mbajnë përgjegjësi për masakrat dhe krimet e tyre kundër palestinezëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
