Vrasja e 42-vjeçarit Shkëlzen Kastrati në Fier, ka sjellë gjatë ditëve të fundit një sërë aksionesh në këtë qytet. Sipas burimeve nga uniformat blu, një operacion është zhvilluar gjatë natës në kryeqytet për të shoqëruar disa persona të dyshuar për atentatin, ndërsa janë ushtruar kontrolle në disa banesa.
Ndërkohë, mësohet se janë shoqëruar disa persona që dyshohet të kenë lidhje me vrasjen. Kastrati u ekzekutua më 1 shkurt në hyrje të qytetit të Fierit, teksa autori përdori një armë “Scorpion” me silenciator për të vrarë 42-vjeçarin.
Ndërkohë, një mjet “Land Rover” me targa greke u gjet i djegur, i cili dyshohet se u përdor nga autori. Nga ana tjetër u sekuestrua dhe arma e përdorur, bashkë me një silenciator.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
