Një e mitur 14-vjeçare ka lindur dje në Maternitetin e Korçës. Policia ka arrestuar një 21-vjeçar, për marrëdhënie seksuale me të mitur.
I riu pranoi se është babai i fëmijës së porsalindur.
“Komisariati i Policisë Korçë ndaloi me iniciativë shtetasin D. K., 21 vjeç, banues në Korçë, për veprën penale "Marrëdhënie seksuale ose homoseksuale me të mitur", pasi dje në martenitetin e qytetit Korçë, ka lindur një fëmijë, një 14-vjeçare.
Sipas informacioneve nga Materniteti Korçë konfirmohet se 14-vjeçarja së bashku me fëmijën janë në gjendje të mirë shëndetësore. Gjithashtu po nga burime spitalore thuhet se 14-vjeçarja është paraqitur me 21-vjeçarin në maternitet dhe se kanë pohuar se kanë një marrëdhënie të rregullt, gjë që 21-vjeçari e ka pranuar edhe përpara uniformave blu që është babai i fëmijës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
