Bruce Willis nuk jeton më në shtëpinë e familjes. Për shkak të përkeqësimit progresiv të sëmundjes së tij, aktori u zhvendos në një banesë të veçantë, ku merr kujdes 24 orë në ditë nga një ekip kujdestarësh profesionistë. Gruaja e tij, Emma Heming, shpjegoi situatën në një intervistë me ABC. "Ishte një vendim shumë i vështirë," pranon ajo, "por është ajo që Bruce do të donte për vajzat e tij. Ai donte që ato të kishin një shtëpi të qetë, të përshtatur sipas nevojave të tyre. Jo të tijën."
Aktori u diagnostikua me demencë frontotemporale dy vjet më parë. Që atëherë, sëmundja ka vazhduar rrjedhën e saj të heshtur dhe shkatërruese. "Fizikisht, ai është mirë," shpjegon Emma, "por truri i tij po dështon. Dhe kjo ndryshon gjithçka."
Willis, i cili është 70 vjeç, ende jeton në një distancë të shkurtër nga shtëpia dhe vazhdon t'i shohë vajzat e tij, të moshës 13 dhe 11 vjeç, shpesh. "Ne duhej të mendonim edhe për to," shpjegon gruaja e tij. Dy adoleshentë kanë të drejtë të jetojnë lirisht: të ftojnë miqtë, të qeshin, të bëjnë zhurmë. Por për Bruce-in, e gjithë kjo është bërë e vështirë për t’u menaxhuar. Megjithatw, kjo nuk është braktisje. Përkundrazi. Është një mënyrë për të ruajtur dinjitetin e burrit që ishte dhe mirëqenien e dy vajzave të tij të vogla”.
Bruce Willis ka kohë që është tërhequr nga skena. Daljet e tij të fundit publike ishin më shumë se një vit më parë. Që atëherë, familja gjithmonë ka zgjedhur të komunikojë me diskrecion. "Nuk është imazhi që publiku ka për të," përfundon gruaja e tij. "Por Bruce është ende këtu, në mënyrën e tij. Dhe ne jemi me të, çdo ditë."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
