Ministria e Jashtme norvegjeze njoftoi se ka shpallur “persona non grata” 15 punonjës të ambasadës ruse në Oslo, të cilët besohet se ishin “agjentë të inteligjencës ruse”.
“15 oficerët e inteligjencës janë angazhuar në aktivitete që nuk janë në përputhje me statusin e tyre diplomatik”, tha ministrja e Jashtme norvegjeze Anniken Huitfeldt.
Duke folur për një kërcënim në rritje nga Rusia pas luftës së nisur kundër Ukrainës, Huitfeldt e përkufizon dëbimin e qytetarëve rusë si një hap të rëndësishëm për të kundërshtuar dhe ulur nivelin e aktivitetit të inteligjencës ruse në Norvegji, dhe për rrjedhojë për të mbrojtur interesat kombëtare.
Duke shpjeguar se 15 punonjësit e ambasadës do të duhet të largohen nga Norvegjia së shpejti dhe se vizat e hyrjes nuk do t’i lëshohen personelit të inteligjencës së Moskës, Huitfeldt tha se:
Rusia aktualisht përfaqëson kërcënimin më të madh të inteligjencës për Norvegjinë.
Ne e marrim shumë seriozisht dhe tani po zbatojmë masa për të kundërshtuar aktivitetet e inteligjencës ruse në vendin tonë.
Ne nuk do të lejojmë oficerët e inteligjencës ruse të veprojnë nën mbulimin diplomatik në Norvegji.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
