Ministri i Jashtëm i Tajvanit ka thënë se po përgatitet për mundësinë e një konflikti me Kinën në vitin 2027.
Duke folur në LBC’s Tonight me Andrew Marr, Joseph Wu tha: “Ne po e marrim kërcënimin ushtarak kinez shumë seriozisht ... Unë mendoj se viti 2027 është viti për të cilin duhet të jemi serioz.”
Inteligjenca amerikane beson se Xi Jinping, udhëheqësi i Kinës, ka urdhëruar ushtrinë e vendit të jetë gati deri në vitin 2027 për të aneksuar Tajvanin.
Kina e konsideron Tajvanin, një ishull demokratik dhe vetëqeverisës, si një provincë renegate që duhet të ribashkohet me kontinentin. Që kur erdhi në pushtet në vitin 2012, Xi ka theksuar se çështja e Tajvanit “nuk mund të bartet brez pas brezi”.
Të premten, ministri i jashtëm i Kinës, Qin Gang, tha se të dy anët e ngushticës së Tajvanit i përkisnin Kinës dhe se “ata që luajnë me zjarrin në Tajvan, përfundimisht do të digjen veten”.
Disa zyrtarë amerikanë besojnë se një konflikt mund të vijë më shpejt. Në janar, gjenerali Mike Minihan, një ish-zëvendës komandant për komandën amerikane të Indo-Paqësorit, tha e priste një konflikt në vitin 2025.
Gjithsesi komentet e Wu të enjten tregojnë shkallën në të cilën Tajvani po përpiqet të forcojë mbështetjen nga perëndimi përpara një sulmi të mundshëm.
Wu theksoi rreziqet për Mbretërinë e Bashkuar nga një konflikt, duke thënë se “edhe pse Mbretëria e Bashkuar po e shikon Kinën si një mundësi ekonomike në planin afatgjatë, një sulm ndaj Tajvanit do të ndikonte në Mbretërinë e Bashkuar në mënyrë shumë serioze. Prandaj ne duhet të shikojmë një mënyrë gjithëpërfshirëse për bashkimin e Mbretërisë së Bashkuar, Tajvanit dhe vendeve të tjera”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
