Një portret i Albert Ajnshtajnit është një nga fotot më të famshme në botë. Fotoja ku gjeniu i fizikës shfaqet në një pozicion përqeshës është prej vitesh e para që del sapo kërkon në internet me emrin e tij.
Kjo foto ka një histori që lidhet me ditëlindjen e shkencëtarit. Pas një darke me rastin e 72-vjetorit të tij, Ajnshtajn u fut në makinë për t’u kthyer në shtëpi. Fotografi Arthur Sasse iu afrua derës së makinës dhe shkrepi një foto. Ajnshtajni u kthye me fytyrë për tij dhe nxori gjuhën. Fotografi ia doli ta përjetësonte atë moment.
Fotoja origjinale është më e madhe dhe në të shfaqen edhe persona që ishin në makinë me të. Por fotoja u pre dhe u përdor si portret. Vetë Ajnshtajni e adhuronte këtë foto dhe e vendoste në të gjitha kartolinat e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
