Presidenti amerikan, Donald Trump, i është përgjigjur me një mesazh në Tuiter diktatorit të Koresë së Veriut, që në mesazhin drejtuar popullit të tij në ditën e parë të vitit, u shpreh se SHBA-të janë në rrezen e raketave të tij bërthamore, butoni i të cilave ndodhet mbi tavolinën e tij.
“Krejt SHBA-të janë në rrezen e armëve tona bërthamore dhe butoni i tyre është gjithmonë në tavolinën time”, tha Kim Jong-un në mesazh.
Por nuk ka vonuar kundërpërgjigjja ironike e presidentit amerikan.
“Lideri i Koresë së Veriut, Kim Jong-un, deklaroi se “butoni bërthamor është në tavolinën e tij në çdo kohë”. A mundet dikush nga regjimi i tij i mbaruar dhe që po vdes nga uria t’i tregojë se edhe unë e kam butonin bërthamor, por është më i madh dhe më i fuqishëm se i tij. Dhe mbi të gjitha, i imi funksionon”, shkroi Trump në Tuiter. / Përgatiti:G.S. /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
