Gazetarja Ervina Garo jep detaje për MCN Live lidhur me anijen me mbetje të rrezikshme e cila mbërriti mëngjesin e sotëm në radën e portit të Durrësit, rreth 2 kilometër larg tij.
Garo tha se drejtori ekzekutiv i Rrjetit të Aksionit të Bazelit Jim Pocket konfirmoi sot për mediat se këto mbetje janë të rrezikshme dhe kanë një rrezikshmëri që përkon deri në 95% të problematikës që kanë të bëjnë me shëndetin e njerëzve.
Pocket ka theksuar se nuk kanë asnjë konfirmim nga qeveria shqiptare për praninë fizike në marrjen e kampionëve dhe për të testuar nëse këto kontejnerë përmbajnë lëndë të rrezikshme.
Ai ka thënë se Shqipëria e ka këtë problematikë dhe se bëhet fjalë për mbetje të rrezikshme dhe se duhet të ishte hap i mirëmenduar.
Ka përshëndetur vendimin e prokurorisë për sekuestrimin e anijes me mbetje të rrezikshme.
Ndërkohë burime nga kapitenereia e Durrësit nuk konfirmojnë nëse do të japin autorizimin për të ankoruar këtë anije në port.
Në vendimin e sekuestros së Prokurorisë Durrës është kërkuar që të merren masa që sendet e sekuestruara të depozitohen në një vend të sigurt si për sa i përket sigurisë mjedisore dhe asaj fizike nëpërmjet monitorimit të kamerave 24 orë.
Sendet e sekuestruara duhet të mbahen në gjendjen që janë pa u proceduar me hapjen e tyre.
Bëhet fjalë për 102 kontejnerët që dyshohet se mbajnë mbetje të rrezikshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
