Duke nisur nga viti 2027, Kolumbia nuk do të organizojnë me ndeshje me dema.
“Kolumbia është çliruar nga kjo torturë e kafshëve e maskuar si një kulturë,” tha Juan Carlos Losada, një kongresmen që mbështeti projektligjin përkatës.
Projektligji ka qenë një nismë e deputetëve të mjedisit dhe do të hyjë në fuqi pas 3 vitesh. Ai u miratua në parlament me 93 vota pro dhe dy kundër.
Gjatë kësaj periudhe “tranzitore”, shteti duhet të garantojë punësim alternativ për personat e varur drejtpërdrejt ose tërthorazi nga ndeshjet me dema dhe të përshtatë arenat e vendit për aktivitete sportive dhe kulturore, ndërkohë që do të ketë ende mundësi për adoptimin e demave.
Në vitin 2018, Gjykata Kushtetuese kishte lejuar ndeshjet me dema në qytete dhe fshatra që kishin këtë traditë dhe ua kishte lënë kryebashkiakëve vendosjen e çdo kufizimi.
Kështu, në Bogotá dhe Medellin (Kolumbia veriperëndimore), ndeshjet me dema nuk lejohen nga viti 2020.
Pas vetos kolumbiane, tani vetëm shtatë vende në botë vazhdojnë të lejojnë ndeshjet me dema në nivel kombëtar, shumica prej tyre në Amerikën Latine: Ekuador, Meksikë, Peru, Portugali, Venezuelë, Spanjë dhe Francë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
