Zv.Presidentja Kamala Harris hapi debat në rrjet pasi u shfaq në koverin e revistës “Vogue”. Shumë përdorues të rrjeteve sociale u zhgënjyen me mënyrën sesi ajo u paraqit në revistën prestigjioze të modës, e cila këtë herë u përqendrua tek politika.
Njerëzit filluan të kritikonin ndriçimin dhe stilin e saj ‘casual’. Sipas burimeve pranë Harris, stafi i saj nuk u pyet kurrë për të miratuar foton në kover dhe e vetmja gjë për të cilën kishin rëndë dakord ishte që të zgjidhej ajo ku zv.Presidentja ishte me kostum bojëqielli.
“Vogue” u përgjigj lidhur me kritikat të hënën përmes një deklarate, duke sqaruar se fotoja e saj me kostum është gjithashtu një nga koverat dixhitalë.
“Stafi i Vogue i pëlqeu imazhet e shkrepura nga Tyler Mitchell dhe ndjeu se imazhi më joformal kapte natyrën autentike, të afrueshme të zv.Presidentes së zgjedhur Harris - që ne mendojmë se është një nga shenjat dalluese të administratës Biden/Harris. Për t'iu përgjigjur seriozitetit të këtij momenti në histori dhe rolit që ajo duhet të luajë duke e çuar vendin tonë përpara, i kemi zgjedhur të dy imazhet e saj si kover dixhital”, shkruhet në deklaratë.
Të dyja paraqitjet ishin zgjedhur nga stafi i Harris. Por veç veshjes, një nga kritikat ishte për zbardhimin e lëkurës së zv.Presidentes, e cila hyri në histori pasi u bë e para grua me ngjyrë që do të mbajë këtë post.
Burimi ETOnline
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
