Presidenti i Serbisë, Aleksandar Vuçiç, i ka dërguar sot një letër urimi për ditëlindje presidentit të SHBA-së, Donald Trump, duke i bërë edhe disa kërkesa për Kosovën, raporton Telegrafi serb.
Së bashku me urimet e tij për “shumë sukses në detyrë”, Vuçiç i bëri sërish ftesë presidentit amerikan për vizitë në Serbi.
“Më lejoni të shfrytëzoj rastin që t’ju bëj ftesë ta vizitoni Serbinë, sepse asnjë president i SHBA-së nuk e ka bërë që gati katër dekada. Serbia dhe SHBA ishin miqësore duke luftuar së bashku kundër padrejtësive në dy luftëra botërore dhe mes nesh ekzistojnë lidhje të fuqishme historike”, thuhet në urimin e tij.
Ai ka kërkuar që raportet mes Serbisë dhe SHBA-së të kthehen në nivelin e kaluar të partnerëve, derisa përmendi gatishmërinë e Trumpit për zhvillimet në Ballkan, duke qenë se disa herë ka shfaqur interesim për të ndihmuar dialogun mes Beogradit dhe Prishtinës në zgjidhjen e problemit të Kosovës.
“Siç e dini edhe ju, zotëri president, nëpërmjet problemit të Kosovës janë duke u shkelur interesat jo vetëm të Beogradit dhe Prishtinës por edhe të temave të ndryshme ndërkombëtare që krijojnë manipulime dhe destabilizim të pafund politik. Por, askujt nuk i intereson më shumë të zgjidh këtë problem më shumë se Serbisë. Për këtë arsye realisht dhe me guxim, me dëshirë dhe besim jemi nisur në kërkim të zgjidhjes së problemit afatgjatë, që vendit tim, por edhe gjithë rajonit, mund t’i sjell stabilitet, bashkëpunim, prosperitet ekonomik dhe përparim në rrugën evropiane”, thuhet në urimin e Vuçiç për Trumpin.
Ai ka thënë se njësoj sikurse qytetarët e Serbisë, e di se SHBA-të kanë raport të veçantë me Kosovën duke e konsideruar si shtet të pavarur të cilin gjithmonë e kanë mbështetur dhe ndihmuar. Por Vuçiç, kërkon që Trump ta ndihmojë që Prishtina të heq taksën ndaj mallrave serbe.
“Duke ndjekur punën e juaj energjike, duke qenë se ekziston ideja e guximshme dhe gatishmëria për ndryshime, nganjëherë edhe veprime të papritura në zgjidhjen e problemeve, jam i bindur se ju do të udhëhiqëshit një politikë më ndryshe rreth kësaj teme. Pikërisht për këtë arsye kërkoj të ndikoni që Prishtina të heq taksën ndaj mallrave serbe, në mënyrë që dialogu, me cak të arritjes së kompromisit dhe zgjidhjes së pranueshme nga të dyja palët, të vazhdojë”, u shpreh ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
