I dërguari special i presidentit amerikan për dialogun Prishtinë-Beograd, Richard Grenell, i ka kërkuar Kosovës të pezullojë menjëherë taksën mbi mallrat serbe.
"Ne presim që tarifa të hiqet menjëherë", tha Grenell në një deklaratë të kaluar pranë AP.
Grenell, i cili është edhe ambasadori amerikan në Gjermani, tha se SHBA "ua bëri të qartë udhëheqësve të partive në Kosovë se heqja e tarifave ishte në interesin më të mirë të Kosovës dhe ekonomisë së saj, si dhe në favor të dëshirës së saj për të tërhequr mundësi të reja pune".
Muajin e kaluar, Grenell ndërmjetësoi një marrëveshje për rinovimin e trafikut hekurudhor dhe ajror ndërmjet Beogradit dhe Prishtinës.
"Ne po bëjmë përparim historik. Do të ketë lajme të reja menjëherë pasi të dy palët duan të ecin përpara. Këto hapa do të kontribuojnë në një jetë më të mirë për njerëzit e rajonit", tha Grenell.
Kërkesa e Grenellit vjen menjëherë pas votimit të qeverisë së re të Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
