Kreu i Partisë Demokratike, Lulzim Basha, e cilësoi paraqitje boshe prezantimin e programit qeverisës për 4 vitet e ardhshme. Në një deklaratë pas doli nga salla e Kuvendit, Basha tha se Rama duhet të japë llogari për rrënimin e vendit dhe largimin e shqiptarëve në mënyrë të paligjshme.
“Ishte paraqitja më boshe, thelbi ishte zëvendësuar nga demagogjia e stampës më të vjetër. Një numër i madh shqiptarësh nuk kanë asnjë pritshmëri te Edi Rama dhe qeveria e tij. Kjo është një kurth sepse ai njeri ka çelësat e qeverisjes së vendit. Nuk i përmendi 300 mijë vendet e punës, madje aq i çoi në emigrim, ilegalisht, në kushte çnjerëzore. Shqiptarët kalojnë kanalin e Lamanshit drejt Britanisë në kamionë të paketuar si sardele. Rama 2 bën sikur nuk e njeh Rama 1. Janë e njëjta gjë. Fjalimi për vitin e Skënderbeut është një përpjekje mjerane për t’i thirrur patriotizmit të shqiptarëve. Ai nuk është aty si drejtor i albanologjisë. Ai duhet të jepte llogari për rrënimin e vendit. Kur bën aleancë me krimin, asgjë nuk funksionon”, tha ai.
Basha tha se misioni i opozitës do të jetë kthimi i shpresës për shqiptarët. “450 mijë shqiptarët që nuk u blenë përfaqësohen sot nga ne. Misioni ynë është t’u kthejmë shqiptarëve shpresën”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
