Ideja për korrigjimin e kufijve dhe Asociacioni i Komunave me Shumicë Serbe nuk do të jetë pjesë e diskutimeve të së premtes në takimin mes presidentit Hashim Thaçi dhe homologut të tij serb, Aleksandar Vuçiç.
Zyra e presidentit Thaçi ka bërë të ditur për gazetën “Zëri” se në takim do të diskutohet rreth modaliteteve për arritjen e marrëveshjes përfundimtare me Serbinë.
Pak javë më parë, presidenti i Kosovës, Hashim Thaçi, deklaroi se do ta prezantojë në Bruksel idenë e korrigjimit të kufijve, i cili nënkupton bashkimin e Luginës së Preshevës me Kosovën.
Megjithatë, sipas zyrës së kreut të shtetit të Kosovës, në takimin e së premtes, nuk do të diskutohet asnjëra nga këto dy çështje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
