“Nuk munda të bind shumicën e votuesve. E respektoj këtë zgjedhje. I kam përgëzuar Fillon dhe Juppé, që u kualifikuan për turnin e ardhshëm. Janë dy personalitete që nderojnë Francën”.
Kështu është shprehur ish-presidenti Nikolas Sarkozi, i cili ka humbur në garën e të dielës për zgjedhjen e kandidatit presidencial të Partisë Republikane të Qendrës së Djathtë.
Ai tha se mbështet Fillon, i cili sipas tij i ka kuptuar më mirë se të gjithë sfidat me të cilat përballet Franca. “Në raundin e dytë do të votoj për të”, ka thënë Sarkozi.
“Është koha t’u përkushtohem më shumë pasioneve private dhe më pak atyre publike”, tha ai në fund.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
