Grupi terrorist i Shtetit Islamik është zgjeruar në të gjithë Afganistanin, duke u vendosur në pothuajse të gjitha provincat e tij, ndërsa ka rritur më shumë se pesëfish sulmet vitin e kaluar, kështu ka paralajmëruar e dërguara e OKB-së në vend.
Duke iu drejtuar Këshillit të Sigurimit të OKB-së përfaqësuesja speciale për Afganistanin, Deborah Lyons foli për një rritje të madhe të Shtetit Islamik ISIS në vendin e shkatërruar nga lufta, duke pretenduar se grupi xhihadist tani është zgjeruar në mbarë vendin, shkruan RT.
“Dikur e kufizuar në disa provinca dhe kryeqytet, ISKP tani duket se është e pranishme në pothuajse të gjitha provincat dhe gjithnjë e më aktive”, tha Lyons.
Ajo shtoi se deri më tani në vitin 2021, IS ka kryer 334 sulme, nga vetëm 60 vitin e kaluar.
Komentet erdhën vetëm disa orë pasi një bombë e Shtetit Islamik shpërtheu në një lagje myslimane shiite të kryeqytetit afgan, duke vrarë një person dhe duke plagosur gjashtë të tjerë.
Përveç çështjes së terrorizmit, përfaqësuesja e OKB-së përmendi gjithashtu shqetësime për vendin në muajt e ardhshëm, duke paralajmëruar për një "katastrofë humanitare" të afërt të nxitur nga një sërë shkaqesh, duke përfshirë sanksionet e huaja të cilat ajo tha se kanë "paralizuar" vendasit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
