Qindra balena janë diktuar në brigjet e Nju-Jorkut kohët e fundit, një numër i konsiderueshëm që një dekadë më parë, dukej i pamundur.
Shtimi i pranisë së tyre tregon për pastërtinë e ujërave të brigjeve.
“Rritja e numrit të tyre është një tregues se ligje si: “Clean Water Act”, “Endangered Species Act” dhe “Marine Mammal Protection Act” po funksionojnë si duhet. Në vitin 2010, Gotham Whale numëroi nga vëzhgimet vetëm 5 balena gjithë vitin, por vitin që shkoi ky numër arriti në 272”, është shprehur krijuesi i Gotham Whale*, Paul Seiswerda.
Ky është një lajm shumë i mirë jo vetëm për ambientalistët në Amerikë, por në të gjithë botën, pasi është një tregues se gjërat mund të ndryshojnë nëse bëhen përpjekjet e duhura, në këtë planet që gjithnjë më shumë po vuan ndotjen dhe ndryshimin e klimës.
*Gotham Whale është një organizatë joqeveritare amerikane që ia ka kushtuar veprimtarinë e saj migrimit të gjitarëve detarë në zonën e Nju-Jorkut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
