Në lidhje me një ngjarje të rëndë që ka tronditur qytetin e Burrelit mëngjesin e ditës së sotme, vendosjen e tritolit në shtëpinë e kryebashkiakut të Matit, Nezir Rizvani, reagoi edhe deputetja e PD-së, Dhurata Çupi.
Ajo e cilëson një akt kriminal që rrezikoi jetën e kryebashkiakut të Matit Nezir Rizvani.
“Krimi nuk kursen askënd në këtë vend
Nëse nuk je në anën e pushtetit duhet të kesh frikë nëse zgjohesh në mëngjes.
Nëse tenton të punosh për njerëzit e tu që të kanë votuar por nuk je në të njëjtën linjë politike me pushtetin ekzekutiv atëherë të rrezikohet madje edhe familja.
Kjo është një ngjarje tejet e rëndë e që duhet zbardhur plotësisht.
I bëj thirrje prokurorisë që një orë e më parë të zbardhë të vërtetën e plotë të kësaj ngjarje”, shkruan Çupi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
