PS dhe PD hapin nesër zyrtarisht fushatën në të njëjtën orë

Forcat politike ajo e Partisë Demokratike dhe Partisë Socialiste nesër do të nisin zyrtarisht fushatën elektorale, një orë larg njëra-tjetrës.

Mësohet se Partia Demokratike do të nisë fushatën nga sheshi “Nënë Tereza”, në orën 17:00, ndërsa pritet që të shtrihet në të gjithë Tiranën.

Nga ana tjetër bëhet me dije se edhe Partia Socialiste do të hapë po nesër fushatën elektorale për zgjedhjet e 25 prillit, në orë 17:00.

Ndërkohë KQZ u bën apel partive për vetëpërmbajtje dhe të mos përdorin burimet publike.

Ndërkohë që PS dhe PD do të shënojnë mitingun e parë, vendi ende përballet me pandeminë e koronavirusit. Edhe pse dje rastet e reja shënuan ulje me 303 të infektuar, viktimat ishin plot 11 pacientë.

Po ashtu nesër hyn në fuqi urdhri i Komitetit Teknik të Ekspertëve, të cilët lejojnë grumbullimet, duke hequr kufizimin e mbledhjeve deri në 10 persona, ndërsa skandon edhe afati për masat e tjera të vendosura nga qeveria, ndërsa pritet që të ketë shtyrje edhe të orës policore.

Pas më shumë se katër javësh me “mbyllje” në orën 20:00, vendi shënoi uljen e rasteve të infektuara, megjithatë ekspertët janë shprehur publikisht se ka ende nevojë për kujdes.