Ministrat izraelitë që nxisin "krime lufte" duhet të përballen me sanksione të BE-së, ka thënë shefi i politikës së jashtme të bllokut, Josep Borrell.
Borrell sulmoi dy anëtarë të kabinetit, ministrin e Sigurisë Kombëtare Itamar Ben-Gvir dhe Ministrin e Financave Bezalel Smotrich, në postime në mediat sociale të dielën. Ai i kërkoi qeverisë që "të distancohet pa mëdyshje" nga vërejtjet e bëra nga të dy në lidhje me operacionin ushtarak në Gaza.
Më herët gjatë ditës, Ben-Gvir kritikoi kryeministrin izraelit Benjamin Netanyahu për shqyrtimin e një armëpushimi të miratuar nga SHBA dhe kërkoi rritje të presionit ndaj grupit militant Hamas, si dhe ndaj pjesës tjetër të popullsisë palestineze të enklavës së rrethuar.
“Nëse ua ndërpresim karburantin, brenda një jave ata do të binin në gjunjë. Dhe nëse ndalojmë kamionët [ndihma], brenda dy javësh ata do të jenë në gjunjë. Pra, pse do të bëjmë një marrëveshje, veçanërisht një marrëveshje kaq të papërgjegjshme?” tha ai në një intervistë për Radion 103 FM.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
