Qeveria “Rama 2” mblidhet sot për herë të parë, zbulohen vendimet që do miratohen

Sot do të mbahet mbledhja e parë e Qeverisë ‘Rama 2’ pas betimit në Presidencë pasditen e sotme.

Mësohet se në mbledhjen e parë të qeverisë janë 10 pika në rendin e ditës.

Po kështu mësohet se vendimi i parë i qeverisë do të jetë shpallja e vitit të Skënderbeut. Pika 2 – Zgjedhja e kandidatëve të Komisioneve të Prokurimit, 

Pika 3- Miratimi i procedurave të shërbimit publik elektronik. Mbledhja, pika 4- Ngritja e komisionit shtetëror për Skënderbeun. Mbledhja, pika 5- Dhënia e godinave për organet e Vettingut.

Vendimi tjetër ka të bëjë me çertifikatat, që do të sjellë lehtësim të burokracive administrative.

Gjithashtu burime bëjnë të ditur se pritet një tjetër vendim për godinën e Lidhjes së Shkrimtarëve.

Një vendim tjetër që pritet sot nga Këshillimi i Ministrave ka të bëjë me një fond ndihme ndaj SHBA për të prekurit nga uragani ‘Irma’.